ရာပြတ်ဌာန

ဟိုတယ်၊ မိုတယ်၊ အင်းများအပေါ် ပစ္စည်းခွန်စည်းကြပ်ကောက်ခံခြင်း

နေပြည်တော်စည်ပင်သာယာရေးကော်မတီနယ်နိမိတ်အတွင်းရှိ ဟိုတယ်၊ မိုတယ်များအား သက်ဆိုင်ရာဘဏ္ဍာရေးနှစ်၏ အခန်းခ၀င်ငွေရရှိမှုအပေါ် အောက်ပါသက်သာခွင့်(၃၄%)ကို နှုတ်ပယ်၍ ကျန်ရှိသော အသားတင်ဝင်ငွေ(၆၆%)အပေါ်တွင် (၄%)ကို ပစ္စည်းခွန်အဖြစ်စည်းကြပ်ကောက်ခံလျှက် ရှိပါသည်-

(က)	၀င်ငွေခွန်	၁၀ %
(ခ )	ကုန်သွယ်လုပ်ငန်းခွန်	၁၀ %
(ဂ )	၀န်ဆောင်ခ	၁၀ %
(ဃ)	ဘဏ်၀န်ဆောင်ခ	၄ %
(င )	ပုဂ္ဂလိက/နိုင်ငံတော်အစိုးရအဖွဲ့အစည်းတစ်ခုခုသို့ အမှန်တကယ်ပေးချေရသည့် ငှားရမ်းခများ(ရှိခဲ့လျှင်)
	စုစုပေါင်း	၃၄ %

ပစ္စည်းခွန်

နေပြည်တော်စည်ပင်သာယာရေးကော်မတီနယ်နိမိတ်အတွင်းရှိ အစိုးရပိုင်နှင့် ပုဂ္ဂလိကပိုင်မရွှေ့မပြောင်းနိုင်သောမြေနှင့် အဆောက်အအုံများ၏နှစ်စဉ်တန်ဖိုးအပေါ် သတ်မှတ်ထားသည့်ရာခိုင်နှုန်းဖြင့် တွက်ချက်စည်းကြပ်ကောက်ခံသည့် အခွန်ဖြစ်ပြီး ပစ္စည်းခွန်တွင် အထွေထွေခွန်၊ မီးခွန်၊ ရေခွန်၊ သန့်ရှင်းရေးခွန်များ ပါ၀င်ပါသည်-

(က)	အထွေထွေခွန်။	အများပြည်သူဆိုင်ရာလမ်းများ၊ တံတားများ၊ ရေမြောင်းများ၊ ပန်းခြံများ၊ စျေးများ၊ အားကစားကွင်းများစသည်များ တည်ဆောက်ခြင်း၊ဖောက်လုပ်ခြင်း၊ပြုပြင်ထိန်းသိမ်းခြင်းတို့အတွက် ကုန်ကျစရိတ်များကာမိစေရန်စည်းကြပ်သည့်အခွန်ကို ဆိုသည်။
(ခ )	မီးခွန်။	အများပြည်သူဆိုင်ရာလမ်းများ၊ တံတားများတွင် မီးထွန်းပေးခြင်းအတွက် စရိတ်ကျခံနိုင်စေရန်စည်းကြပ်သောအခွန်ကို ဆိုသည်။
(ဂ )	ရေခွန်။	ကော်မတီက ရေဖြန့်ဝေခြင်းအတွက် ကောက်ခံသည့်အခွန်ကို ဆိုသည်။
(ဃ)	သန့်ရှင်းရေးခွန်။	အမှိုက်နှင့်အညစ်အကြေးများစုစည်းသိမ်းဆည်းခြင်း၊ စွန့်ပစ်ခြင်း၊ ဖျက်ဆီးခြင်းနှင့် မိလ္လာသန့်စင်ခြင်းလုပ်ငန်းများနှင့် ရေစီးရေလာကောင်းမွန်စေရန် ရေမြောင်းများရှင်းလင်းခြင်းတို့အတွက် ဆောင်ရွက်ရသည့် စရိတ်များအားကျခံနိုင်စေရန် စည်းကြပ်သည့်အခွန်ကို ဆိုသည်။

အခွန်ထမ်းအမည်ပြောင်းလဲဆောင်ရွက်ခြင်း

ရာပြတ်ဌာနအနေဖြင့် အခွန်ထမ်းအမည်ပြောင်း လျှောက်ထားလာခြင်းများကိုလည်း ဆောင်ရွက်ပေးလျက် ရှိပါသည်။ အမည်ပြောင်းလျှောက်ထားရာတွင် အောက်ပါအချက်အလက်များပါဝင်ရမည်ဖြစ်ပါသည်-

(က)	အခွန်ထမ်းအမည်ပြောင်းလျှောက်ထားသူ၏ လျှောက်လွှာ
(ခ )	လျှောက်ထားသူ၏နိုင်ငံသားစိစစ်ရေးကတ်ပြားမိတ္ထူ
(ဂ )	အိမ်ထောင်စုလူဦးရေစာရင်း (ပုံစံ-၆၆/၆) မိတ္ထူ
(ဃ)	အခွန်ကြွေးကျန်ကင်းရှင်းကြောင်းသက်ဆိုင်ရာမြို့နယ်စည်ပင်သာယာအုပ်ချုပ်ရေးမှူးရုံးမှ ထောက်ခံချက်
(င )	နောက်ဆုံးထမ်းဆောင်ခဲ့သည့် ပစ္စည်းခွန်ပြေစာမူရင်း
(စ )	အိမ်အရောင်းအဝယ်စာချုပ် မိတ္တူ
(ဆ)	ရပ်ကွက်အုပ်ချုပ်ရေးမှူးရုံး၏ ထောက်ခံချက်