နေပြည်တော်စည်ပင်သာယာရေးကော်မတီ၊ ဈေးများဌာနမှ ဈေးရောင်းမော်တော်ယာဉ်ဖြင့် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန နှင့် နိုင်ငံတော်သမ္မတရုံးဝန်ကြီးဌာနတို့သို့ လှည့်လည်၍ ဈေးရောင်းချပေး

04 September 2026 : 14:09:00

ပြည်ထောင်စုနယ်မြေ၊ နေပြည်တော်အတွင်းရှိ ဝန်ကြီးဌာနများမှ ဝန်ထမ်းများအား ဆန်၊ အသား၊ ငါးနှင့် ဟင်းသီးဟင်းရွက်များကို ဈေးနှုန်းသက်သာစွာ ဝယ်ယူစားသုံးနိုင်ရေးအတွက် နေပြည်တော်စည်ပင်သာယာရေးကော်မတီ၊ ဈေးများဌာနမှ (၃.၉.၂၀၂၆)ရက်နေ့၌ ဈေးရောင်းမော်တော်ယာဉ်အမှတ်(၁)7Q3186 ဖြင့် သုခတော်ဝင်အိမ်ရာ၊ ဉာဏသိဒ္ဓိရပ်ကွက်နှင့် မော်တော်ယာဉ်အမှတ်(၂) 7Q/3540 ဖြင့် ရုံးအမှတ်(၃)စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ရုံးအမှတ်(၃၇)စက်မှုအသေးစား၊ အငယ်စားနှင့် အလတ်စားစီးပွားရေးလုပ်ငန်းများဖွံ့ဖြိုးတိုးတက်ရေးဝန်ကြီးဌာနနှင့် ယာဉ်အမှတ်(၃) 3R/5244 ဖြင့် နိုင်ငံတော်သမ္မတရုံးသို့ ဈေးရောင်းချပေးခဲ့ကြောင်း သိရှိရသည်။